ລທລ ມີລະບົບສູນກາງ ໂທລະສັບຕິດຕໍ່ຕ່າງປະເທດ (ISC) ໂດຍໃຊ້ ສັນຍານນຳ້ເບີ 7 ແຕ່ພຽງຜູ້ດຽວໃນ ສ.ປ.ປ ລາວ ເຊິ່ງໄດ້ຮັບ ການຊ່ວຍເຫຼືອລ້າ ຈາກລັດຖະບານ ແລະ ປະຊາຊົນຍີ່ປຸ່ນ ໃນປີ 2004. ລທລ ໄດ້ນຳໃຊ້ ເຕັກໂນໂລຊີ ທີ່ທັນສະໄໝ ໃນການຕິດຕໍ່ສື່ສານ  ໄປປະເທດຕ່າງໆໃນໂລກ ໂດຍຜ່ານ ລະບົບສາຍໃຍແກ້ວ ແລະ ລະບົບດາວທຽມ ສະແຕນດາດເອ ທີ່ມີປະສິດທິພາບສູງ ແລະ ຮັບປະກັນຄວາມປອດໄພ ທາງດ້ານຂໍ້ມູນຂ່າວສານ ເພາະ ລທລ ໄດ້ນຳໃຊ້ລະບົບກວດສອບ ທີ່ທັນສະໄໝ.ພ້ອມນີ້ ລທລ ກໍ່ມີວິຊາການ ທີ່ມີປະສົບປະການສູງໃນການຄຸ້ມຄອງ ແລະ ບຳລຸງຮັກສາ ລະບົບສູນກາງໂທລະສັບ ຕິດຕໍ່ຕ່າງປະເທດ ເຊິ່ງເປັນເຄື່ອງ ອຸປະ ກອນໂທລະຄົມ ທີ່ສຳຄັນ ໃນການພັດທະນາ ລະບົບໂທລະຄົມ ຢູ່ໃນ ສ.ປ.ປ ລາວ.